సత్యం కేసు: మరో ముగ్గురి అరెస్టు

హైదరాబాద్: సత్యం కంప్యూటర్స్ కేసులో సిబిఐ గత రాత్రి మరో ముగ్గురిని అరెస్టు చేశారు. వీరు సత్యం కంప్యూటర్స్ ఉద్యోగులు. ఈ విషయాన్ని సిబిఐ డిఐజి వివి లక్ష్మీ నారాయణ ధృవీకరించారు. అవకతవకలకు వారు ఒక యంత్రాంగాన్ని రూపొందించారని, వారు బూటకపు బ్యాంక్ ప్రకటనలను రూపొందించారని లక్ష్మీ నారాయణ సోమవారం మీడియా ప్రతినిధులతో చెప్పారు.

ఉపాధ్యక్షుడు (ఫైనాన్స్) జి.రామకృష్ణతో పాటు మరో ఇద్దరు ఉద్యోగులు డి.వెంకటపతి రాజు, శ్రీశైలంలను అరెస్టు చేసినట్లు లక్ష్మీ నారాయణ చెప్పారు. విచారణలో సిఎఫ్ఓ వడ్లమాని శ్రీనివాస్ రామకృష్ణ పేరు చెప్పినట్లు సమాచారం. ఈ అరెస్టులతో మొత్తం అరెస్టయిన వారి సంఖ్య 9కి చేరుకుంది.