కసబ్ మైనర్: అబ్బాస్ కజ్మీ

ముంబయి: ముంబయి దాడుల నిందితుడు అజ్మల్ అమీర్ కసబ్ మైనర్ అని, అందువల్ల కసబ్ ను జ్యువెనైల్ కోర్టులో విచారంచాలని ఆయన తరఫు న్యాయవాది అబ్బాస్ కజ్మీ అన్నారు. అయితే అందుకు ప్రత్యేక కోర్టు న్యాయమూర్తి తిరస్కరించారు. ఇతరులతో మాట్లాడవద్దని, నవ్వకూడదని న్యాయవాది కసబ్ ను ఆదేశించారు. కసబ్ తరఫున వాదించేందుకు కోర్టు కజ్మీని గురువారం నియమించింది. అంతకు ముందు నియమితులైన అంజలి వాగ్మారేను వృత్తి ధర్మాన్ని పాటించలేదనే ఆరోపణపై తొలగించారు.

ముంబయి పేలుళ్ల కేసులో ప్రధాన నిందితుడు అజ్మల్‌ అమీర్‌ కసబ్‌, మరో ఇద్దరిపై కేసు విచారణ శుక్రవారం ప్రారంభం అయింది. ప్రభుత్వ ప్రత్యేక న్యాయవాది ఉజ్వల్‌ నికమ్‌ ఈకేసు వాదనను ప్రారంభించారు. కసబ్‌, ఫాహీమ్‌ అన్సారీ, షాబుద్దీన్‌ అహ్మద్‌లను ఈ కేసులో విచారిస్తారు. నవంబర్‌లో ముంబయిలో జరిగిన పేలుళ్లలో 183 మందిని చంపిన కేసులో వీరు నిందితులు. ఇందులో 166 హత్య కేసులు ఒక్క కసబ్‌పైనే ఉన్నాయి. వీరిపై పోలీసులు 12 కేసులు పెట్టారు.