మరణించే దాకా చిరుతోనే: పోసాని

హైదరబాద్: మరణించే వరకు ప్రజారాజ్యం పార్టీ అధినేత చిరంజీవితోనే ఉంటానని, ఎట్టిపరిస్థితుల్లో పార్టీని వీడబోనని పార్టీ చిలకలూరిపేట అభ్యర్థి, సినీ దర్శకుడు పోసాని కృష్ణమురళి స్పష్టం చేశారు. గుంటూరు జిల్లా సమీక్ష ముగిసిని తర్వాత ఆయన శుక్రవారం మీడియా ప్రతినిధులతో మాట్లాడారు. చిరంజీవిని ఆయన మిస్టర్ క్లీన్ గా అభివర్ణించారు.

ఎన్నికల సందర్భంగా నన్ను చాలామంది డబ్బు అడిగారని, డబ్బు తీసుకుంటే తరువాత పనులుచేయాలని ఎవరూ అడగకూడదని చెప్పానని, దీంతో అతితక్కువ ఖర్చుతో ఎన్నికలు పూర్తిచేయగలిగానని ఆయన వివరించారు. గ్రామీణ ప్రాంతంలో మహిళలకు మరుగుదొడ్ల వసతే కల్పించలేని ప్రభుత్వ పథకాలు ఎందుకని ప్రశ్నించారు. తెలుగుదేశం పార్టీ కలరు టీవీల పథకంతోపాటు జనరేటర్లను కూడా సరఫరా చేయాలని సూచించారు.