తుది దశ పోలింగ్ మొదలు

న్యూఢిల్లీ: దేశంలోని తొమ్మిది రాష్ట్రాల్లో, కేంద్ర పాలిత ప్రాంతాల్లో బుధవారం ఉదయం తుది ఐదో విడత పోలింగ్ ప్రారంభమైంది. మొత్తం 86 లోకసభ స్థానాలకు పోలింగ్ జరుగుతోంది. ఈ స్థానాల్లో 545 మంది అభ్యర్థులు పోటీలో ఉన్నారు. 10 కోట్ల 78 వేల మందికి పైగా ఓటర్లున్నారు. మొత్తం లక్షా 21 వేల పోలింగ్ స్టేషన్లు ఏర్పాటయ్యాయి.

తుది పోలింగ్ జరుగుతున్న స్థానాల్లో కేంద్ర మంత్రి పి. చిదంబరం, మహమ్మద్ అజహరుద్దీన్, మేనకా గాంధీ, వరుణ్ గాంధీ, ముక్తార్ అబ్బాస్ నక్వీ, జయప్రద, టీఆర్ బాలు, దయానిధి మారన్, వైకో, మమతా బెనర్జీ వంటి ప్రముఖులు పోటీలో ఉన్నారు. చిదంబరం బుధవారం ఉదయమే శివగంగలో తన ఓటు హక్కును వినియోగించుకున్నారు. సిపిఎం నాయకురాలు బృందా కారత్ కోల్ కత్తా ఓటు హక్కును వాడుకున్నారు.