మహా వరుణ యాగంలో వైయస్

హైదరాబాద్‌: రాష్ట్రంలో వరుణుడి కరుణ కోసం ప్రభుత్వం నిర్వహిస్తున్న వరుణయాగం హైదరాబాదులోని నాంపల్లి ఎగ్జిబిషన్‌ గ్రౌండ్‌ లో ఉదయం 9 గంటలకు ప్రారంభమైంది. తిరుమల తిరుపతి దేవస్థానం (టిటిడి) ఆధ్వర్యంలో నిర్వహిస్తున్న ఈ మహావరుణ యాగంలో ముఖ్యమంత్రి వైయస్ రాజశేఖర రెడ్డి పాల్గొన్నారు. ముఖ్యమంత్రికి వస్త్ర సమర్పణ చేశారు. యాగంలో ముఖ్యమంత్రి పాల్గొన్నారు.

ఈ కార్యక్రమం మూడు రోజులపాటు కొనసాగనుంది. యాగానికి వచ్చే భక్తుల కోసం టిటిడి ప్రత్యేక ఏర్పాట్లు చేసింది. ముఖ్యమంత్రితో పాటు ఈ కార్యక్రమంలో దేవాదాయ శాఖ మంత్రి గాదె వెంకటరెడ్డి, టిటిడి పాలక మండలి చైర్మన్ ఆదికేశవులు నాయుడు తదితరులు పాల్గొన్నారు. నిరుడు కూడా ప్రభుత్వం ఇటువంటి యాగమే చేసింది. మరోవైపు వానల కోసం ప్రార్థనలు చేయాలని అన్ని మతాల వారిని ప్రభుత్వం కోరడంపై కొన్ని వర్గాల నుంచి విమర్శలు వెల్లువెత్తుతున్నాయి.