కెటిఆర్ ఎన్నికపై హైకోర్టులో పిటిషన్

హైదరాబాద్: తెలంగాణ రాష్ట్ర సమితి (తెరాస) అధ్యక్షుడు కె. చంద్రశేఖర రావు తనయుడు, సిరిసిల్ల శాసనసభ్యుు కెటి రామారావు ఎన్నికలను సవాల్ చేస్తూ దాఖలైన పిటిషన్ ను హైకోర్టు శుక్రవారం స్వీకరించి, విచారణ చేపట్టిండి. కెటిఆర్ ఎన్నిక చెల్లదంటూ కాంగ్రెసు నేత కెకె మహేందర్ రెడ్డి ఆ పిటిషన్ దాఖలు చేశారు. కెటి రామారావుకు హైకోర్టు నోటీసు జారీ చేసింది. మూడు వారాల్లోగా వివరణ ఇవ్వాలని హైకోర్టు హైకోర్టు ఎన్నికల సంఘాన్ని ఆదేశించింది.

కాగా, కెకె మహేందర్ రెడ్డి కరీంనగర్ జిల్లా సిరిసిల్ల శాసనసభ నియోజకవర్గం నుంచి కెటి రామారావుపై తెరాస తిరుగుబాటు అభ్యర్థిగా పోటీ చేశారు. ఆయన కొద్ది ఓట్ల తేడాతో కెటిఆర్ పై ఓడిపోయారు. ఆ తర్వాత కెసిఆర్ పై తీవ్ర విమర్శలు చేస్తూ అసమ్మతి శిబిరంలో చేరారు. ఇటీవలే కాంగ్రెసులో చేరారు. ఆయన కాంగ్రెసులో చేరిన తర్వాత గురువారం సిరిసిల్లలో కెటీఆర్, కెకె మహేందర్ రెడ్డి వర్గాల మధ్య ఘర్షణ చెలరేగింది. ఈ ఘర్షణలో పలువురు గాయపడ్డారు.