పాక్ తాలిబాన్ అధినేతగా ఫకీర్

ఇస్లామాబాద్: పాకిస్తాన్ తాలిబన్ అధినేతగా మిలిటెంట్ కమాండర్ మౌల్వీ ఫకీర్ ముహమ్మద్ తనను తాను ప్రకటించుకున్నాడు. తాత్కాలికంగా బైతుల్లా మెహసూద్ స్థానంలో పని చేయనున్నట్లు ఆయన చెప్పుకున్నాడు. బైతుల్లా మెహసూద్ అమెరికా దాడుల్లో మరణించినట్లు దాదాపుగా నిర్ధారణ అయింది. ఫకీర్ మీడియా ప్రతినిధులకు ఫోన్ చేసి తెహ్రీక్ - ఎ - తాలిబన్ నేతగా తాను వ్యవహరిస్తున్నట్లు చెప్పుకున్నాడు.

మెహసూద్ మరణించలేదని, తీవ్ర అనారోగ్యానికి గురయ్యారని అతను అన్నాడు. అందుకే అతను అజ్ఝాతంలోకి వెళ్లాడని ఫకీర్ చెప్పాడు. మెహసూద్ మరణించినా తాలిబన్ ఉద్యమంపై ప్రభావం పడదని అతను అన్నాడు. మిలిటెంట్ వర్గాలను సంప్రదించకుండా వాలి - ఉర్ - రెహ్మాన్ కు గానీ హకీముల్లా మెహసూద్ కు గానీ కొత్త నేతను ఎన్నుకునే హక్కు లేదని ఫకీర్ అన్నాడు.