ఎమ్మెల్యే కుతూహలమ్మకు అస్వస్థత

చిత్తూరు: కాంగ్రెస్ శాసనసభ్యురాలు కుతూహలమ్మ బుధవారం ఉదయం స్పృహ తప్ప పడిపోయారు. ఈ సంఘటన చిత్తూరులోని కాంగ్రెసు నాయకుడు సికె బాబు నివాసంలో జరిగింది. అల్పాహారం తీసుకున్న తర్వాత ఆమె అకస్మాత్తుగా స్పృహ తప్పి పడిపోయారు. ఆమెను వెంటనే ఆస్పత్రికి తరలించారు.

ముఖ్యమంత్రి డాక్టర్ వైయస్ రాజశేఖర రెడ్డి రచ్చబండ కార్యక్రమంలో పాల్గొనేందుకు ఆమె చిత్తూరులోని సికె బాబు నివాసానికి వచ్చారు. ఇదిలా ఉంటే, ముఖ్యమంత్రి తన రచ్చబండ కార్యక్రమాన్ని బుధవారం చిత్తూరు జిల్లా నుంచి ప్రారంభిస్తున్నారు. ఆయన ఈ కార్యక్రమంలో పాల్గొనేందుకు హైదరాబాదు నుంచి బయలు దేరారు.