కొత్త విషయాలేమీ లేవు: కెవిపి

హైదరాబాద్: చెప్పడానికి కొత్త విషయాలేమీ లేవని దివంగత నేత వైయస్ రాజశేఖర రెడ్డి ఆత్మీయ మిత్రుడు, రాజ్యసభ సభ్యుడు కెవిపి రామచందర్ రావు అన్నారు. ఢిల్లీ నుంచి సోమవారం రాత్రి హైదరాబాద్ వచ్చిన ఆయన మంగళవారం ఉదయం వైయస్ జగన్ తో బేటీ కావడానికి ముఖ్యమంత్రి క్యాంపు కార్యాలయానికి వచ్చారు. తాను నిన్న రాత్రే వచ్చానని, కొత్త విషయాలేమీ లేవని రామచందర్ రావు ఈ సందర్భంగా మీడియా ప్రతినిధులతో అన్నారు. ఆయన నిరుత్సాహంగా కనిపించారు.

వైయస్ జగన్ ను ముఖ్యమంత్రిని చేయడానికి ఆయన వారం రోజుల పాటు మంత్రాంగం నెరిపారు. కాంగ్రెసు అధ్యక్షురాలు సోనియా గాంధీతో సహా పార్టీ అధిష్ఠాన వర్గానికి చెందిన ముఖ్య నేతలందరితో ఒకటికి రెండు సార్లు మాట్లాడారు. అయితే ఫలితం కనిపించలేదు. దీంతో ఆయన సోమవారం రాత్రి హైదరాబాద్ తిరిగి వచ్చారు.