రోడ్డు ప్రమాదాల్లో 7గురు మృతి

హైదరాబాద్: రాష్ట్రంలో గురువారం ఉదయం జరిగిన మూడు వేర్వేరు ప్రమాదాల్లో ఏడుగురు మరణించారు. పశ్చిమ గోదావరి జిల్లాలో రెండు ప్రమాదాలు జరగగా, రంగారెడ్డి జిల్లాలో ఒక ప్రమాదం జరిగాయి. పశ్చిమ గోదావరి జిల్లా దెందులూరు మండలం సత్యనారాయణ పురం వద్ద రెండు లారీలు ఢీకొనడంతో జరిగిన ప్రమాదంలో ముగ్గురు మరణించారు. మృతులు విశాఖపట్నం జిల్లా యలమంచిలికి చెందినవారు. కాగా, ఇదే జిల్లా భీమడోలు మండలం పూళ్ల సమీపంలో లారీ బోల్తా పడి ఇద్దరు మృతి చెందారు. మృతులు తూర్పు గోదావరి జిల్లా మండపేట గ్రామవాసులు.

రంగారెడ్డి జిల్లా తొండుపల్లి దగ్గర జరిగిన రోడ్డు ప్రమాదంలో ఇద్దరు మరణించారు. బైక్ పై వెళ్తున్నవారిని ఆర్టీసి బస్సు ఢీకొనడంతో ఈ ప్రమాదం సంభవించిది. భార్యాభర్తలు ఈ ప్రమాదంలో అక్కడికక్కడే మరణించారు. మరణించినవారు హైదరాబాదులోని ఆబిడ్స్ కు చెందినవారని పోలీసులు గుర్తించారు.