కెవిపితో ఎస్ఎస్పీ యాదవ్ భేటీ

హైదరాబాద్: రాష్ట్ర పోలీసు డైరెక్టర్ జనరల్ (డిజిపి) ఎస్ఎస్పీ యాదవ్ శనివారం ఉదయం రాజ్యసభ సభ్యుడు, దివంగత నేత వైయస్ రాజశేఖర రెడ్డి ఆత్మీయ మిత్రుడు కెవిపి రామచందర్ రావును కలిశారు. ఆయన రామచందర్ రావుకు తిరుమల శ్రీవారి ప్రసాదం ఇచ్చారు. అలాగే రాష్ట్ర హోం మంత్రి సబితా ఇంద్రారెడ్డిని కూడా కలిసి తిరుమల ప్రసాదం సమర్పించుకున్నారు.

ఎస్ఎస్పీ యాదవ్ ను డిజిపి పదవి నుంచి తప్పించే అవకాశాలున్నట్లు వార్తలు వస్తున్నాయి. ఆయన కార్యక్రమాలు, ప్రకటనలు ఎప్పటికప్పుడు వివాదాస్పదంగా మారుతున్నాయి. ముఖ్యమంత్రి వైయస్ రాజశేఖర రెడ్డి హెలికాప్టర్ ప్రమాదం జరిగిన స్థలాన్ని డిజిపి సందర్శించడం వివాదంగా మారింది. ఆయన దివంగత నేత వైయస్ కు అత్యంత సన్నిహితుడు.