ఎట్టకేలకు వసుంధ రాజె రాజీనామా

న్యూఢిల్లీ: ఎట్టకేలకు భారతీయ జనతా పార్టీ నాయకురాలు పార్టీ అధిష్టానం నిర్ణయాన్ని పాటించారు. రాజస్థాన్ ప్రతిపక్ష నేత పదవికి ఆమె రాజీనామా చేశారు. తన రాజీనామా లేఖను ఆమె శుక్రవారం పార్టీ అగ్రనేత ఎల్ కె అద్వానీకి పంపించారు. వసుంధర రాజే నిజానికి గురువారం పార్టీ నేత సుష్మా స్వరాజ్ ను కలవాల్సి ఉంది. అయితే ఆమె సుష్మా స్వరాజ్ ను కలుసుకోలేదు.

రాజే తనను ఈ నెల 20వ తేదీన తనను కలవాల్సి ఉందని, అయితే హఠాత్తుగా ముంబై వెళ్లాల్సి ఉన్నందున రాలేనని చెప్పారని, ఈ నెల 21న గానీ 22న గానీ కలుస్తానని చెప్పారని, అయితే ఆమె నుంచి మరే సమచారమూ రాలేదని స్వరాజ్ అన్నారు. లోకసభ ఎన్నికల్లో పార్టీ వైఫల్యానికి గాను రాజస్థాన్ ప్రతిపక్ష నేత పదవికి రాజీనామా చేయాలని పార్టీ అధ్యక్షుడు రాజ్ నాథ్ సింగ్ అప్పట్లో ఆదేశించారు. అయితే ఆమె దాన్ని దాటవేస్తూ వచ్చారు.