• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

రోశయ్యకు జగన్ బాబాయ్ కితాబు

By Pratap
|

YS Vivekananda Reddy
హైదరాబాద్: కడప ఎమ్మెల్సీ, పార్లమెంటు సభ్యుడు వైయస్ జగన్ బాబాయ్ వైయస్ వివేకానంద రెడ్డి ముఖ్యమంత్రి కె.రోశయ్యను ప్రశంసించారు. ఆయన మంగళవారు ఉదయం రోశయ్యను కలుసుకున్నారు. వారిరువురి మధ్య పలు విషయాలు చర్చకు వచ్చినట్లు చెబుతున్నారు. రోశయ్యతో భేటీ అనంతరం వివేకానంద రెడ్డి మీడియా ప్రతినిధులతో మాట్లాడారు.

ముఖ్యమంత్రి రోశయ్య పాలనా దక్షత గల వ్యక్తి అని, రోశయ్య పాలన గురుంచి మాట్లాడాల్సిందేమీ లేదని ఆయన అన్నారు. కడప జిల్లా పులివెందుల శాసనసభా నియోజకవర్గం అభ్యర్థిపై తాను, జగన్ చర్చించుకున్న తర్వాత అభ్యర్థి పేరును పార్టీ అధిష్టానానికి పంపుతామని ఆయన చెప్పారు. వైయస్ రాజశేఖర రెడ్డి మరణంతో పులివెందుల శాసనసభా నియోజక వర్గం ఖాళీ అయింది.

పులివెందుల నుంచి వైయస్ జగన్ శాసనసభకు పోటీ చేయవచ్చుననే ప్రచారం జరుగుతోంది. అయితే పార్టీ అధిష్టానం మాత్రం వైయస్ రాజశేఖర రెడ్డి భార్య విజయలక్ష్మిని గానీ, ఆయన కూతురు షర్మిళను గానీ పోటీకి దించాలనే ఆలోచనలో ఉన్నట్లు చెబుతున్నారు.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X