మాకొద్దీ మా తెలుగు తల్లి పాట: తెరాస

హైదరాబాద్: మా తెలుగు తల్లికి మల్లెపూదండ అనే గేయాన్ని తెలంగాణలోని పాఠశాలలన్నీ బహిష్కరించాలని తెలంగాణ రాష్ట్ర సమితి (తెరాస) పిలుపునిచ్చింది. శంకరంబాడి సుందరాచార్య రాసిన మా తెలుగుతల్లికి మల్లెదండ పాటను విధిగా అన్ని పాఠశాలల్లోని విద్యార్థులు ఆలంపించాలని పాఠశాల విద్యామంత్రి మాణిక్యవరప్రసాద్ ఆదేశాలు జారీ చేసింది. ఆంగ్లంలోనే మాట్లాడాలని కొన్ని పాఠశాలలు విద్యార్థులను హింసించినట్లు వార్తలు వచ్చిన నేపథ్యంలో మంత్రి ఆ ఆదేశాలు జారీ చేశారు. మా తెలుగు తల్లికి మల్లెదండ పాటను ఆలపించకూడదనే తమ నిర్ణయాన్ని గౌరవించాలని తెరాస పోలిట్ బ్యూరో తెలంగాణలోని విద్యాసంస్థలను కోరింది. పార్టీ అధ్యక్షుడు కె. చంద్రశేఖర రావు అధ్యక్షతన శుక్రవారం పోలిట్ బ్యూరో సమావేశం జరిగింది.

తెలంగాణ వనరులను, ఉపాధి అవకాశాలను కొల్లగొట్టడానికి పనికి వచ్చిన ఆంధ్రప్రదేశ్ అవతరణ దినం నవంబర్ 1వ తేదీని విద్రోహ దినంగా పాటించాలని తెరాస పిలువునిచ్చింది. గ్రేటర్ హైదరాబాద్ ఎన్నికలను ప్రకటించిన తీరు అప్రజాస్వామికమని కెసిఆర్ మీడియా ప్రతినిధుల సమావేశంలో విమర్శించారు. గ్రేటర్ హైదరాబాద్ ఎన్నికలను ఇప్పుడే వద్దని ప్రభుత్వ ప్రధాన కార్యదర్శి చెప్పినా ప్రకటించారని ఆయన అన్నారు. గ్రేటర్ హైదరాబాద్ ఎన్నికల్లో తాము పాల్గొంటామా, లేదా అనే విషయంపై సోమవారం జరిగే పార్టీ కార్యవర్గ సమావేశంలో నిర్ణయిస్తామని ఆయన చెప్పారు. గ్రేటర్ హైదరాబాద్ ఎన్నికల్లో పాల్గొనరాదనేది పోలిట్ బ్యూరోలోని మెజారిటీ సభ్యుల అభిఫ్రాయమని ఆనయ చెప్పారు.