• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

డాలర్ శేషాద్రికి హైకోర్టు షాక్

By Pratap
|

Dollar Seshadri
హైదరాబాద్: డాలర్ శేషాద్రికి రాష్ట్ర హైకోర్టు సోమవారం షాక్ ఇచ్చింది. తిరుమల తిరుపతి దేవస్థానం (టిటిడి) ప్రత్యేకాధికారి (ఒఎస్డీ)గా శేషాద్రి పదవీ కాలాన్ని మరో రెండేళ్లు పొడగించడాన్ని రద్దు చేస్తూ హైకోర్టు స్టే ఇచ్చింది. ఈ విషయంలో టిటిడికి హైకోర్టు చివాట్లు కూడా పెట్టింది. టిటిడి ఒఎస్డీగా పదవీ కాలాన్ని పొడగిస్తూ టిటిడి పాలక మండలి ఆదేశాలు జారీ చేసింది. దాన్ని సవాల్ చేస్తూ ఓ వ్యక్తి హైకోర్టుకు వెళ్లారు. దీనిపై హైకోర్టు ఆ మధ్యంతర ఉత్తర్వులు జారీ చేసింది.

శేషాద్రిపై క్రిమినల్ కేసు ఎందుకు పెట్టరాదని, ఆయనకు నార్కో ఎనాలిసిస్ పరీక్షలు ఎందుకు నిర్వహించరాదని హైకోర్టు ప్రశ్నించింది. తమ ప్రశ్నలకు రెండు వారాల్లోగా సమాధానం ఇవ్వాలని హైకోర్టు టిటిడిని ఆదేశించింది. ఆయన బాధ్యతలు నిర్వహించిన సమయంలో 300 డాలర్లు మాయమైన విషయంపై ఆయనపై కేసు నమోదైంది. 2006 జూన్ లో పదవీ విరమణ చేసిన శేషాద్రిని టిటిడి ఒఎస్డీగా నియమిస్తూ ఆదేశాలు జారీ చేసింది. మళ్లీ ఇప్పుడు ఆయన పదవీ కాలాన్ని పొడగించింది. ఓఎస్డీ పదవికి శేషాద్రి మినహా మరొకరు అర్హులు కారా అని హైకోర్టు ప్రశ్నించింది.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X