మెల్బోర్న్ లో భారత విద్యార్థి అదృశ్యం

మెల్బోర్న్: భారత విద్యార్థి ఒకతను గత ఆరు రోజులుగా కనిపించకుండా పోయాడు. ఆస్ట్రేలియాలోని మెల్బోర్న్ లో 22 ఏళ్ల దీపక్ కుమార్ చౌదరి అనే విద్యార్థి అదృశ్యమయ్యాడు. ఈ స్థితిలో అతని భద్రతపై అనుమానాలు వ్యక్తమవుతున్నాయి. గత గురువారం అతను చివరి సారి కనిపించాడు. గురువారం ఉదయం 5 గంటల 20నిమిషాలు, ఆరున్నర గంటల మధ్య అతను క్రౌన్ కాసినోకు వెళ్తూ చివరి సారి కనిపించినట్లు చెబుతున్నారు.

అతను అదృశ్యంపై హౌస్ మేట్స్ గ్లెన్ ఐరిష్ పోలీసులకు ఫిర్యాదు చేశారు. అతని మొబైల్ కు రింగ్ చేస్తే వెంటనే వాయిస్ మెయిల్ కు మళ్లుతున్నట్లు వారు చెప్పారు. బ్యాటరీ బలహీనపడడం వల్లనో, స్విచ్ ఆఫ్ చేయడం వల్లనో అలా జరుగుతూ ఉండవచ్చునని అనుమానిస్తున్నారు. అతని అచూకీ కోసం ప్రజల సాయం కోరినట్లు పోలీసులు చెప్పారు.