సోనియా దృష్టిలో వైయస్ జగన్: నేదురుమల్లి

నెల్లూరు: తమ పార్టీ నేత సోనియా గాంధీ దృష్టిలో కడప పార్లమెంటు సభ్యుడు వైయస్ జగన్ ఉన్నారని మాజీ ముఖ్యమంత్రి, కాంగ్రెసు సీనియర్ నేత నేదురుమల్లి జనార్దన్ రెడ్డి అన్నారు. జగన్ ను ఎలా ఉపయోగించుకోవాలో, ఎప్పుడు రాజకీయాల్లోకి తీసుకు రావాలో సోనియా గాంధీ చూసుకుంటారని ఆయన గురువారం మీడియా ప్రతినిధులతో అన్నారు.సోనియాతో సంబంధాలను బట్టే జగన్ భవిష్యత్తు ఆధారపడి ఉందని ఆయన అన్నారు.

ముఖ్యమంత్రి వైయస్ రాజశేఖర రెడ్డి మరణం దేశ రాజకీయాల్లో కలతను సృష్టించిందని ఆయన వ్యాఖ్యానించారు. తాను ముఖ్యమంత్రిగా ఉన్నప్పుడు సిద్ధిపేటలో కనిపించిన తెలంగాణ రాష్ట్ర సమితి అధ్యక్షుడు కె. చంద్రశేఖరరావును చూసినట్లు ఆయన తెలిపారు. మళ్లీ ఇప్పుడే కనిపిస్తున్నారని ఆయన చెప్పారు. కెసిఆర్ వ్యాఖ్యలపై అవసరమైనప్పుడు స్పందిస్తానని ఆయన అన్నారు.