మావోల ట్రాక్ పేల్చివేత: ఇద్దరు మృతి

రాంచీ: జార్ఖండ్ లోని సింగ్ భూమ్ జిల్లాలో మావోయిస్టులు రైల్వే ట్రాక్ తొలగించడంతో గురువారం రాత్రి టాటా - బిలాస్ పూర్ ప్యాసెంజర్ రైలు ఎనిమిది బోగీలు పట్టాలు తప్పాయి. ఈ ప్రమాదంలో ఇద్దరు ప్రయాణికులు మరణించగా, 47 మంది గాయపడ్డారు. ఈ రైలుకు 10 కోచ్ లున్నాయని, వాటిలో ఐదు పట్టాలు తప్పగా, మూడు బోల్తా కొట్టినట్లు రైల్వే మంత్రి మమతా బెనర్జీ చెప్పారు.

బోల్తా కొట్టిన బోగీలో రెండు మృతదేహాలు కనిపించాయి. మరో 47 మంది గాయపడ్డారు. ఆరుగురు ప్రయాణికులు మరో బోగీలో చిక్కుకున్నారు. వారిలో ముగ్గురిని రక్షించారు. గ్యాస్ కట్టర్స్ తో కోసి కోచ్ ల్లోకి వెళ్లడానికి సహాయక బృందాలు ప్రయత్నిస్తున్నాయి. ఈ సంఘటన మనోహర్, పోసోయిటా రైల్వే స్టేషన్ల మధ్య సంభవించింది.