ఖమ్మం వార్తల కోసం
నోటిఫికేషన్స్ పై క్లిక్ చేయండి  
Oneindia App Download

మేం తెలంగాణకు వ్యతిరేకం కాదు: సిఎం

By Pratap
|
Google Oneindia TeluguNews

Rosaiah
హైదరాబాద్: కాంగ్రెసు పార్టీ తెలంగాణకు వ్యతిరేకం కాదని ముఖ్యమంత్రి కె. రోశయ్య స్పష్టం చేశారు. అయితే రాష్ట్ర విభజన అంత సులభంగా జరిగే ప్రక్రియ కాదని ఆయన సోమవారం జరిగిన మంత్రి వర్గ సమావేశంలో అన్నారు. ఏకాభిప్రాయం ద్వారా తెలంగాణ సాధించాలని అనుకున్నామని, అయితే జాతీయ పార్టీ కావడం వల్ల కొన్ని ఇబ్బందులు ఎదురవుతున్నాయని ఆయన అన్నారు. తెలంగాణ అంశంపై ఆంధ్ర ప్రజాప్రతినిధులు రెచ్చగొట్టే ప్రకటనలు చేయకుండా కట్టడి చేయాలని తెలంగాణకు చెందిన మంత్రులు ముఖ్యమంత్రిని కోరారు. తెలంగాణ అంశాన్ని తమ పార్టీ అధ్యక్షురాలు సోనియా గాంధీకి వదిలేశామని, దానిపై ఆమె నిర్ణయం శిరోధార్యమని రోశయ్య చెప్పారు.

ప్రత్యేక తెలంగాణకు కాంగ్రెసు వ్యతిరేకం కాదనే విషయాన్ని ప్రజలకు చేరవేయాలని ఆయన మంత్రులకు సూచించారు. అయితే తెలంగాణ అంశంపై తాము ఎలా మాట్లాడుకుండా ఉండగలమని మంత్రి బొత్సా సత్యనారాయణ అనుమానం వ్యక్తం చేశారు. రెండో ఎస్సార్సీకి కట్టుబడి ఉన్నామని చెబుతామని ఆయన అన్నారు. రాష్ట్రంలో శాంతిభద్రతలు అదుపులో ఉన్నాయని రోశయ్య స్పష్టం చేశారు. ప్రభుత్వపరంగా అన్ని చర్యలూ తీసుకుంటామని ఆయన చెప్పారు. కాగా, కెసిఆర్ ఆమరణ దీక్ష నేపథ్యంలో ఎఐసిసి ప్రధాన కార్యదర్శి అనిల్ శాస్త్రి రోశయ్యతో చర్చలు జరిపినట్లు సమాచారం.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X