పొన్నాల ఇంటిపై మహిళల దాడి యత్నం

హైదరాబాద్: తెలంగాణ రాష్ట్ర సమితి (తెరాస) అధ్యక్షుడు కె. చంద్రశేఖర రావు అరెస్టుకు నిరసనగా సోమవారం కొంత మంది మహిళలు దాడికి ప్రయత్నించారు. వారిని పోలీసులు చెదరగొట్టారు. తద్వారా దాడి యత్నాన్ని పోలీసులు తిప్పి కొట్టారు. తెలంగాణ అంతటా బంద్ ప్రశాంతంగా జరుగుతున్నప్పటికీ స్వల్ప సంఘటనలు చోటు చేసుకున్నాయి. వరంగల్ లో స్వర్ణ జయంతి ఎక్స్ ప్రెస్ రైలును ఆందోళనకారులు అడ్డుకున్నారు. దీంతో పలు రైళ్లు ఆగిపోయాయి. ఖమ్మం జిల్లా పాల్వంచలోని కెపిటిఎస్ వద్ద విద్యుత్తు ఇంజినీర్లు ఆందోళనకు దిగారు.

నల్లగొండ జిల్లా తిప్పర్తి వద్ద ఆగంతకులు రైల్వే ట్రాక్ ఫిష్ ప్లేట్లను తొలగించారు. సకాలం సిబ్బంది గమనించి వాటిని సరిచేశారు. దీంతో ప్రమాదం తప్పింది. అయితే ఈ సంఘనటతో తమకు సంబంధం లేదని తెరాస నాయకులంటున్నారు. నల్లగొండ జిల్లా నార్కెట్ పల్లి వద్ద ఆగంతకులు కొంత మంది ఒక ప్రైవేట్ బస్సును ధ్వంసం చేశారు. దూర ప్రాంతాల రైళ్లకు ఇబ్బంది లేదని దక్షిణ మధ్య రైల్వే అధికారులు చెప్పారు. తెలంగాణ ప్రభావం తక్కువగా ఉందని చెప్పే ఖమ్మం జిల్లాలోనూ హైదరాబాదులోనూ బంద్ కొనసాగుతోంది. ఆర్టీసి దూర ప్రాంతాలకు వెళ్లే 424 బస్సులను నిలిపేసింది.