రెండో రోజు తెరాస బంద్ కొనసాగింపు

హైదరాబాద్: తెలంగాణ రాష్ట్ర సమితి (తెరాస) ఇచ్చిన పిలువు మేరకు రెండో రోజు సోమవారం కూడా బంద్ కొనసాగుతోంది. తెరాస 48 గంటల బంద్ కు పిలుపునిచ్చింది. ఈ అర్థరాత్రితో ఆ గడువు ముగుస్తోంది. తెలంగాణ వ్యాప్తంగా సోమవారం ఇప్పటి వరకు అవాంఛనీయ సంఘటనలు జరగలేదు. హైదరాబాదులో కూడా సంపూర్ణంగా బంద్ జరుగుతోంది. ఆదివారం కూడా పూర్తిగా బంద్ జరిగింది. హైదరాబాదులో ఎక్కడో ఒక చోట పెట్రోల్ బంకులు తెరిచి ఉంచారు. దీంతో వాహనదారులు బారులు తీరారు. స్వచ్ఛందంగానే బంద్ సాగుతోంది.

తెలంగాణలో ఆర్టీసి బస్సులు పూర్తిగా బందయ్యాయి. ఎక్కడా నడవడం లేదు. సింగరేణి కార్మికులు బంద్ కు మద్దతు ప్రకటిస్తూ విధులను బహిష్కరించారు. ఆదివారంనాడు కొన్ని అవాంఛనీయ సంఘటనలు జరిగాయి. కరీంనగర్ జిల్లా రామగుండంలో ఆదివారం శాసనసభ్యుడు సోమారం సత్యనారాయణ వాహనాన్ని దగ్ధం చేశారు. తెలంగాణలోని విశ్వవిద్యాలయాల్లో విద్యార్థులు వివిధ రూపాల్లో ఆందోళనలు సాగిస్తున్నారు. ఉస్మానియా విశ్వవిద్యాలయం మాత్రం ఉద్రిక్తంగా ఉంది.