తెలంగాణపై నిర్ణయం చెప్తాం: మన్మోహన్

న్యూఢిల్లీ: తెలంగాణపై నిర్ణయం వెల్లడిస్తామని ప్రధాని డాక్టర్ మన్మోహన్ సింగ్ చెప్పారు. తెలంగాణ అంశం, తెలంగాణ రాష్ట్ర సమితి (తెరాస) అధ్యక్షుడు కె.చంద్రశేఖర రావు ఆరోగ్యంపై బుధవారం పార్లమెంటు ఉభయ సభలు దద్ధరిల్లాయి. తెలంగాణపై ఎలాంటి నిర్ణయం తీసుకోవాలనే విషయంపై ఆలోచిస్తున్నట్లు ఆయన తెలిపారు.

విదేశీ పర్యటన నుంచి తిరిగి వచ్చిన తర్వాత పార్లమెంటులో మీడియా ప్రతినిధులు కలిసినప్పుడు ఆయన తెలంగాణపై మాట్లాడారు. తెలంగాణపై తీసుకునే నిర్ణయంపై ఆలోచిస్తున్నట్లు ఆయన తెలిపారు. పరిస్థితిని సమీక్షిస్తున్నట్లు ఆయన తెలిపారు. ప్రాంతీయ పార్టీలతో చర్చిస్తున్నామని ఆయన చెప్పారు. ఈ పరిస్థితిలో కేంద్ర హోం మంత్రి చిదంబరం నుంచి సాయంత్రంలోగా ఒక ప్రకటన వెలువడే అవకాశం ఉన్నట్లు తెలుస్తోంది.