జూ ఎన్టీఆర్ సమైక్యాంధ్రకు జైకొడ్తారు: లగడపాటి

విజయవాడ: ప్రముఖ సినీ నటుడు జూనియర్ ఎన్టీఆర్ కూడా సమైక్యాంధ్ర ఉద్యమానికి జైకొడ్తారని కాంగ్రెసు పార్లమెంటు సభ్యుడు లగడపాటి రాజగోపాల్ ఆశాభావం వ్యక్తం చేశారు. జూనియర్ ఎన్టీఆర్ ను సమైక్యాంధ్ర ఉద్యమంలోకి ఆహ్వానిస్తున్నానని, సమైక్యాంధ్రకు మద్దతుగా జూనియర్ ఎన్టీఆర్ ప్రకటన చేస్తారని ఆశిస్తున్నానని ఆయన అన్నారు. సమైక్యాంధ్ర డిమాండుతో లగడపాటి నిరశన దీక్ష గురువారం కూడా కొనసాగుతోంది. జూనియర్ ఎన్టీఆర్ తాతగారి అడుగుజాడల్లో నడిచి తెలుగుప్రజల ఐక్యతకు ముందుకు వస్తారని ఆయన మీడియా ప్రతినిధులతో అన్నారు.

సినీ నటుడు మోహన్ బాబు సమైక్యాంధ్ర ఉద్యమానికి సంఘీభావం తెలియజేయడాన్ని ఆయన హర్షించారు. ప్రజారాజ్యం పార్టీ అధినేత చిరంజీవి సమైక్యాంధ్ర ఉద్యమంలో చేరాలని నిర్ణయం తీసుకోవడాన్ని కూడా ఆయన ఆహ్వానించారు. సమైక్యాంధ్ర ఉద్యమం విశాల భావాలతో కూడుకున్నదని ఆయన అన్నారు. రాయలసీమ, కోస్తాంధ్రల్లో జరుగుతున్నది ప్రజా ఉద్యమమని ఆయన అన్నారు. సమైక్యాంధ్రకు మద్దతుగా అందరూ ప్రకటన చేస్తారని ఆయన ఆశించారు.