సమైక్యాంధ్రకు హీరో మోహన్ బాబు సై

హైదరాబాద్: తాను సమైక్యాంధ్రకే కట్టుబడి ఉన్నట్లు తెలుగు సినీ హీరో మోహన్ బాబు చెప్పారు. రాయలసీమ కూడా వెనకబడి ఉందని, అందుకే తాను సమైక్యాంధ్రకు కట్టుబడి ఉంటున్నానని ఆయన బుధవారం సాయంత్రం మీడియా ప్రతినిధులతో చెప్పారు. సమైక్యాంధ్రకు మద్దతుగా దీక్ష చేసేందుకు ఆయన గురువారం ఉదయం తిరుపతి బయలుదేరి వెళ్లారు. ఆయన రిలే నిరాహార దీక్షలు చేస్తున్న విద్యార్థులను పరామర్సిస్తారు. వారికి మద్దతుగా ఆయన దీక్ష కూర్చుంటారు.

మోహన్ బాబు పర్యటన నేపథ్యంలో ప్రజారాజ్యం పార్టీ అధినేత చిరంజీవి తిరుపతి పర్యటన వాయిదా పడినట్లు తెలుస్తోంది. చిరంజీవి పర్యటన తేదీలను తర్వాత ప్రకటిస్తారు. సమైక్యాంధ్రకు మద్దతుగా తెలుగుదేశం సీమాంధ్ర శాసనసభ్యులు శుక్రవారం తిరుపతి నుంచి తమ బస్సు యాత్ర ప్రారంభిస్తారు.