విజయవాడ సమీప కెనాల్ లో 5 గురు గల్లంతు

విజయవాడ: జిల్లాలోని ఇబ్రహీంపట్నం విటిపిఎస్‌ కెనాల్‌లో ఒక యువతి, నలుగురు చిన్నారులు గల్లంతయ్యారు. దుస్తులు ఉతకడానికి వెళ్లిన యువతితో నలుగురు పిల్లలు కూడా కెనాల్‌ వద్దకు వెళ్లారు. పిల్లలు స్నానం చేయడానికి కాలువలో దిగి మునిగిపోయారు.

వారిని రక్షించేందుకు నీటిలోకి దిగిన యువతి కూడా కొట్టుకుపోయింది. స్థానికులు ఇద్దరు చిన్నారుల మృత దేహాలను వెలికితీశారు. వీరిద్దరూ ఒకే కుటుంబానికి చెందినవారే. మరో ముగ్గురి కోసం గాలిస్తున్నారు. అయితే ఆ ముగ్గురు కూడా మృతి చెందినట్లు తెలుస్తోంది.