• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

చిదంబరం ప్రకటనలో స్పష్టత లేదు: గీతా రెడ్డి

By Pratap
|

Geetha Reddy
హైదరాబాద్: తెలంగాణపై కేంద్ర హోం మంత్రి పి. చిదంబరం బుధవారం రాత్రి చేసిన ప్రకటనలో స్పష్టత లేదని రాష్ట్ర సమాచార శాఖ మంత్రి జె. గీతారెడ్డి అన్నారు. ప్రకటనలో స్పష్టత రావాల్సిన అవసరం ఉందని ఆమె గురువారం మీడియా ప్రతినిధులతో అన్నారు. తెలంగాణ రాష్ట్ర ఏర్పాటు ప్రక్రియ ఆపుతామని లేకపోయినప్పటికీ ఆ ప్రక్రియను ముందుకు తీసుకుపోవడానికి కార్యక్రమం గానీ, గడువు గానీ లేకపోవడం వల్ల అనుమానాలకు తావిస్తోందని, ఆ అనుమానాలతోనే తెలంగాణలో ఆందోళనలు జరుగుతున్నాయని ఆమె అన్నారు.

చిదంబరం ప్రకటనలో స్పష్టత ఉందని హైదరాబాద్ కు చెందిన రాష్ట్ర ఆరోగ్య శాఖ మంత్రి దానం నాగేందర్ అన్నారు. తెలంగాణ ప్రక్రియ ముందుకు సాగుతుందని, అందుకు విస్తృత స్థాయిలో చర్చలు జరుపుతామని చిదంబరం ప్రకటనలో ఉందని ఆయన విడిగా మీడియా ప్రతినిధులతో అన్నారు. తెలుగుదేశం పార్టీ అధ్యక్షుడు నారా చంద్రబాబు నాయుడి వల్లనే ఈ పరిస్థితి వచ్చిందని, ఆ పాపం తెలుగుదేశం పార్టీదేనని ఆయన అన్నారు. తెలంగాణపై మాట్లాడే హక్కు చంద్రబాబుకు గానీ, తెలుగుదేశం నాయకులకు గానీ లేదని ఆయన అన్నారు. తెలంగాణ ప్రజల మనోభావాలను కేంద్ర నాయకత్వానికి వినిపిస్తామని ఆయన చెప్పారు. సోనియా గానీ, చిదంబరం గానీ ఢిల్లీలో లేరని ఆయన ఒక ప్రశ్నకు సమాధానంగా చెప్పారు.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X