• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

కెసిఆర్ సహా ఎంపీలు, ఎమ్మెల్యేలు రాజీనామా

By Pratap
|

K Chandrasekhar Rao
హైదరాబాద్: తెలంగాణ రాష్ట్ర సమితి (తెరాస) అధ్యక్షుడు కె. చంద్రశేఖర రావు, విజయశాంతి తమ లోక్ సభ సభ్యత్వాలకు రాజీనామా చేశారు. వారిద్దరు బుధవారం రాత్రే తమ రాజీనామా లేఖలను ఫ్యాక్స్ ద్వారా లోకసభ స్పీకర్ మీరా కుమార్ కు పంపారు. తెలంగాణ రాష్ట్ర ఏర్పాటు ప్రక్రియపై కేంద్ర ప్రభుత్వం వెనక్కి తగ్గినందుకు నిరసనగా వారు రాజీనామాలు చేశారు. పది మంది తెరాస శాసనసభ్యులు, పలువురు తెలుగుదేశం, కాంగ్రెసు, ప్రజారాజ్యం, బిజెపి శాసనసభ్యులు కూడా రాజీనామాలు చేశారు. యాభై మందికి పైగా శాసనసభ్యులు రాజీనామా చేశారు. గురువారం ఉదయం తమ లోకసభ సభ్యత్వాలకు పొన్నం ప్రభాకర్, మధు యాష్కీ రాజీనామా చేశారు. పొన్నం ప్రభాకర్ తన రాజీనామా లేఖను కాంగ్రెసు అధ్యక్షురాలు సోనియా గాంధీకి పంపించారు.

గ్రామ పంచాయతీ స్థాయి నుంచి వివిధ స్థాయిల్లో స్థానిక సంస్థల ప్రజాప్రతినిధులు కూడా రాజీనామాలు చేశారు. చిదంబరం ప్రకటన వెలువడగానే తెలంగాణ రాష్ట్ర సమితి (తెరాస) అధ్యక్షుడు కె. చంద్రశేఖర రావు మాజీ హోం మంత్రి కె. జానారెడ్డి నివాసానికి వెళ్లారు. అక్కడ అన్ని పార్టీలకు చెందిన తెలంగాణ నాయకులతో చర్చించి సంయుక్త ప్రకటన చేశారు. విధ్వంసానికి దిగవద్దని జానారెడ్డితో కలిసి కెసిఆర్ పిలుపునిచ్చారు. తాము కూడా రాజీనామాలు చేస్తామని కెసిఆర్ చెప్పారు. భవిష్యత్తు కార్యాచరణను రూపొందించుకోవడానికి అన్ని పార్టీలకు చెందిన నాయకులు గురువారం మధ్యాహ్నం 11 గంటలకు సమావేశమవుతున్నారు. అలాగే, విద్యార్థి, యువజన సంఘాల నాయకులు ఒంటి గంటకు సమావేశమవుతున్నారు.

తెలంగాణ రాష్ట్ర ఏర్పాటు ప్రక్రియను కోల్డ్ స్టోరేజీలో పెట్టడమేనని కెసిఆర్ విమర్శించారు. నోటి కాడి కూడును కేంద్ర ప్రభుత్వం లాగేసుకుందని ఆయన విమర్శించారు. తెలంగాణలో 144, 30 సెక్షన్లు విధించి అణచివేత చర్యలకు దిగుతున్న ప్రభుత్వం రాయలసీమ, కోస్తాంధ్రల్లో అన్ని రకాల ఆందోళనలకు పూర్తి స్వేచ్ఛనిచ్చిందని ఆయన విమర్శించారు. పోలీసులతో తెలంగాణ ప్రజలను అణచివేసేందుకు ప్రభుత్వం ప్రయత్నిస్తోందని ఆయన అన్నారు. శాంతిభద్రతల విషయంలో ప్రభుత్వ చర్యలు ప్రాంతీయంగా అసమానతను పాటించడం లేదని ప్రభుత్వం అడుగడుగునా రుజువు చేసుకోవాల్సిన అవసరం ఉందని జానా రెడ్డి అన్నారు.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X