విశాఖ-గుంటూరు- తిరుపతి మధ్య ప్రత్యేక రైళ్లు

గుంటూరు: నూతన సంవత్సరం, సంక్రాంతి పర్వదినాలను దృష్టిలో ఉంచుకొని రైల్వే అధికారులు గుంటూరు మీదుగా విశాఖ, తిరుపతిలకు వారాంతపు ప్రత్యేక రైలును నడుపుతున్నట్లు సీనియర్‌ డివిజనల్‌ కమర్షియల్‌ మేనేజర్‌ ఎన్‌ రంగారావు తెలిపారు. భువనేశ్వర్‌ నుంచి గుంటూరు మీదగా తిరుపతి వెళ్లే రైలు 0872, తిరుపతి నుండి గుంటూరు మీదగా భువనేశ్వర్‌కు వెళ్లే రైలు 0871గా నిర్ణయించారు. ఈ ప్రత్యేక రైళ్లు గుంటూరు నుంచి విశాఖ, తిరుపతిలకు వెళ్లే ప్రయాణీకులకు సౌకర్యార్ధంగా ఉంటాయి.

ప్రస్తుతం గుంటూరు మీదుగా తిరుపతికి తక్కువగా రైళ్లు ఉన్నాయని, ప్రయాణీకుల సౌకర్యార్ధం తిరుపతికి అదనంగా జనవరిలో ఒకటి, రెండవ, మూడవ శుక్రవారంలలో గుంటూరు మీదుగా వారాంతపు ప్రత్యే క రైలు నడుపుతున్నట్లు ఆయన పేర్కొన్నారు. 0871 నంబరు రైలు 1,8,15 తేదీల్లో భువనేశ్వర్‌ నుంచి తిరుపతికి బయలుదేరుతుందన్నారు. ఈ అదేవిధంగా 0872 నంబరు గల తిరుపతి - భువనేశ్వర్‌ రైలు జనవరి 2,9,16 తేదీల్లో బయలుదేరుతుందని పేర్కొన్నారు.