'సమైక్య'నేత టిజి వెంకటేష్ కు దుబాయ్ లో సన్మానం

జెడ్డా: సమైక్యాంధ్ర కోసం మొదటి నుంచి గట్టిగా వాదిస్తూ తెలంగాణ ఏర్పాటును వ్యతిరేకిస్తున్న కర్నూలు శాసన సభ్యుడు టి.జి. వెంకటేష్‌కు శుక్రవారం మధ్యాహ్నం దుబాయిలోని ఒక ప్రముఖ హోటల్‌లో సన్మానం జరిగింది. ఆయన సామాజిక వర్గానికి చెందిన వాసవికృప అనే సంఘం దుబాయి శాఖ ఆయన్ని సన్మానించింది.

గంగాధర్‌, సుధాకర్‌, ధర్మకర్త శరత్‌లు ఈ కార్యక్రమాన్ని నిర్వహించారు. రాష్ట్ర విభజన వివాదంపై అందరి కంటే ముందు నుంచి మాట్లాడుతున్న టి.జి. వెంకటేష్‌ గత కొన్ని రోజులుగా దుబాయి, షార్జా నగరాలలోని ప్రవాసాంధ్రులతో ప్రస్తుత తెలంగాణ వివాదంపై విస్తృతంగా మాట్లాడారు. శుక్రవారం సాయంత్రం ఆయన తిరిగి భారత్‌ వెళ్లిపోయారు.