గవర్నర్ గా నరసింహన్ ప్రమాణం

హైదరాబాద్: ఆంధ్రప్రదేశ్ గవర్నర్ గా ఇఎస్ఎల్ నరసింహన్ శుక్రవారం ఉదయం ప్రమాణ స్వీకారం చేశారు. ఇంతకు ముందు తాత్కాలిక గవర్నర్ గా వ్యవహరించిన ఆయనను కేంద్ర ప్రభుత్వం రాష్ట్రానికి పూర్తి స్థాయి గవర్నరుగా నియమితులయ్యారు. ఆయన చేత రాజభవన్ లో ఉదయం 9 గంటల 35 నిమిషాలకు హైకోర్టు ప్రధాన న్యాయమూర్తి గవర్నరుగా ప్రమాణం చేయించారు.

నరసింహన్ ప్రమాణ స్వీకారోత్సవానికి ముఖ్యమంత్రి కె.రోశయ్య, పలువురు మంత్రులు, శాసనసభ్యులు హాజరయ్యారు. నరసింహన్ ను రోశయ్య అభినందించారు. గురువారం రాత్రి నరసింహన్ హైదరాబాదుకు వచ్చారు. హైదరాబాదులోని విమానాశ్రయంలో ఆయనకు ముఖ్యమంత్రి రోశయ్య స్వాగతం పలికారు.