జైపాల్ రెడ్డి రాజీనామాకు రణభేరి డిమాండ్

హైదరాబాద్‌: కేంద్ర ప్రభుత్వం వెంటనే తెలంగాణ రాష్ట్రాన్ని ప్రకటించాలని ఏబీవీపీ విద్యార్థి రణభేరి సభ డిమాండ్‌ చేసింది. కేంద్రంపై ఒత్తిడి తీసుకొచ్చేందుకు కేంద్ర మంత్రి ఎస్‌.జైపాల్‌రెడ్డి తక్షణమే తన పదవికి రాజీనామా చేసి ఉద్యమంలో పాల్గొనాలని ఏకగ్రీవంగా తీర్మానించింది.

నిజాం కాలేజీ గ్రౌండ్స్‌ లో శనివారం జరిగిన విద్యార్థి రణభేరి సభలో కొన్ని తీర్మానాలను ఆమోదించారు. తెలంగాణ ఉద్యమంలో ఆత్మ బలిదానం చేసిన విద్యార్థులను స్మరిస్తూ రెండు నిమిషాలు మౌనం పాటించారు. మొదట జైపాల్ రెడ్డి రాజీనామా చేసి మిగితా ఎంపీలకు అదర్శంగా నిలవాలని, జైపాల్ కు తెలంగాణ మీద ప్రేమ ఉంటే అలా చేయాలని ఎంతో కాలంగా తెలుగుదేశం తెలంగాణ నాయకులు కూడా డిమాండ్ చేస్తున్నరు.