తూగో జిల్లా: లక్ష్మి హత్య కేసులో వీడుతున్న మిస్టరీ

రాజోలు: తూర్పు గోదావరి జిల్లా రాజమండ్రికి చెందిన మహిళారాజ్యం కో-కన్వీనర్‌ పబ్బిలేటి లక్ష్మి హత్య కేసును ఎట్టకేలకు పోలీసులు ఛేదించారు. అమలాపురం డీఎస్పీ కేసు వివరాలు తెలిపారు. లక్ష్మితో అడ్డాల భాస్కర్‌ అనే వ్యక్తికి కొంతకాలంగా పరిచయం ఉంది.

ఆమెను భాస్కర్‌ తన ఇంటికి తీసుకువెళ్లి.. పాలల్లో మత్తుమందు కలిపి తాగించాడు. స్పృహ కోల్పోయాక ఆమె మెడలోని చున్నీ సాయంతో జనవరి 6న హత్య చేశాడు. మృతదేహాన్ని రామరాజులంకలో బ్రిడ్జిపై నుంచి పడవేశాడు. భాస్కర్‌తోపాటు అతని స్నేహితుడిని అరెస్టు చేశారు. వివాహేతర సంబంధం కోణంలో పోలీసులు దర్యాప్తు చేస్తున్నారు.