హనుమాన్ జంక్షన్ లో పట్టపగలు చోరీ

ఏలూరు: కృష్ణా జిల్లా హనుమాన్‌ జంక్షన్‌లో పట్టపగలే ఇద్దరు దుండగులు ఒక ఇంట్లో చొరబడి చోరీ చేశారు. ఇంట్లో ఉన్న భార్యాభర్తలు ఇద్దరినీ వారు తుపాకీతో బెదిరించారు. డబ్బు, బంగారం ఎక్కడ ఉందో చెప్పమని వత్తిడి తెచ్చారు. ఇంట్లో డబ్బులేదు. 40 కాసుల బంగారం, వెండి వస్తువులను దోచుకువెళ్లారు.

ఇంట్లో ఉన్న ఎటిఎం కార్డులు తీసుకొని, వాటి పాస్‌వర్డ్‌ కూడా తెలుసుకొని వెళ్లారు. మధ్యాహ్నం రెండు గంటల ప్రాంతంలో ఈ చోరీ జరిగింది. దుండగులు పారిపోయిన తరువాత బాధితులు పోలీసులకు ఫిర్యాదు చేశారు. వెంటనే పోలీసులు రంగంలోకి దిగి దుండగులను పట్టుకునే ప్రయత్నంలో ఉన్నారు.