టిడిపి నిర్మూలనకు కాంగ్రెస్, టీఅర్ఎస్ కుట్ర: సోమిరెడ్డి

హైదరాబాద్‌: న్యాయవాదుల ప్రవర్తన చూస్తుంటే విద్యార్థులే నయం అనిపిస్తోందని తెలుగుదేశం పార్టీ నేత సోమిరెడ్డి చంద్రమోహన రెడ్డి అన్నారు. కోర్టులో ప్రజలకు న్యాయం చేకూర్చాల్సిన న్యాయవాదులు ఈ విధంగా ప్రవర్తించడం బాగోలేదన్నారు. హైదరాబాద్‌లో టిడిపిని లేకుండా చేయడానికి కాంగ్రెస్‌ పార్టీ, టిఆర్‌ఎస్‌ కుట్రపన్నాయని ఆయన ఆరోపించారు. తెలంగాణ జెఎసి కన్వీనర్‌ కోదండరామ్‌ ప్రొఫెసర్ లాగా హుందాగా ప్రవర్తించకుండా క్రిమినల్‌ మైండ్‌తో మాట్లాడటం భావ్యం కాదన్నారు.

ఇలా ఉండగా తెలుగుదేశం అధినేత చంద్రబాబు నాయుడు తెలంగాణ నాయకులతో ఆదివారం టెలికాన్ఫరెన్స్ నిర్వహించారు. చంద్రబాబు నాయుడు రాష్ట్ర విభజన విషయంలో రెండు నాల్కల ధోరణి అనుసరిస్తున్నారన్న విమర్శలు ఉన్నాయి. తెలంగాణ టిడీపి నాయకులు ఆయనను పూర్తిగా విశ్వసించకపోయినా విధిలేని పరిస్ధితుల్లో సహ జీవనం సాగిస్తున్నట్టు ఒక అభిప్రాయం.