వినూత్నంగా 'సమైక్యాంధ్ర' ఉగాది

విశాఖపట్నం: సమైక్యాంధ్ర పరిరక్షణ సమితి (ఎస్ ‌ఏపీఎస్‌) ఆధ్వర్యంలో ఆంధ్ర విశ్వవిద్యాలయం లైబ్రరీ ఎదురుగా వినూత్నంగా ఉగాది వేడుకలను నిర్వహించారు. రాష్ట్రంలోని అన్ని ప్రాంతాల్లో పేరొందిన వస్తువుల ప్రదర్శన ఏర్పాటు చేశారు. తెలంగాణాలోని చేనేత వస్త్రాలు, బొగ్గు, రాయలసీమలోని సెనగలు, కోస్తాంధ్ర ప్రాంతంలోని చేపలు, బియ్యం, హైదరాబాద్‌లోని సాఫ్ట్‌వేర్‌ పరిశ్రమలను ప్రదర్శించారు. అన్ని ప్రాంతాల్లో పండే పదార్థాలతో ఉగాది పచ్చడిని తయారు చేశారు. ఈ సందర్భంగా ఎస్ ‌ఏపీఎస్‌ కన్వీనర్‌ బి.కాంతారావు మాట్లాడుతూ సమైక్యాంధ్ర ఐకమత్యాన్ని చా టేందుకు ఈ ప్రదర్శన ఏర్పాటు చేశామన్నారు. కార్యక్రమంలో ముఖ్యఅతిథిగా పీఆర్‌పీ మహిళా అధ్యక్షురాలు కదారిలకి, ఏయూ అధ్యక్ష, కార్యదర్శులు కె.గోరబాబు, వై.నాగేంద్ర, రాష్ట్ర కమిటీ సభ్యులు గణేష్‌ మల్లేశ్వరరావు, ఏయూ కమిటీ సభ్యులు జగదీష్‌, ఉమ, అనిల్‌ పాల్గొన్నారు.

ఉగాది సందర్భంగా సమైక్యాంధ్ర విశ్వవిద్యాలయాల జేఏసీ ఆధ్వర్యంలో సంపత్‌ వినాయక్‌ ఆలయం వద్ద మంగళ వారం ఉగాది పచ్చడిని పంపిణీ చేశారు. ఈ కార్యక్రమాన్ని అనకాపల్లి ఎమ్మెల్యే గంటా శ్రీనివాసరావు ప్రారంభించారు. ఈ సందర్భం గా సుమారు వెయ్యిమంది భక్తులకు పచ్చడి పంపిణీ చేశారు. కార్యక్రమంలో జేఏసీ కన్వీనర్‌ బి.ఎ.రాజు, ఎ.సోమనాధ్‌, వి.సురేష్‌ పాల్గొన్నారు.