యుఎస్ మైన్ పేలుడు: 7గురు మృతి

వాషింగ్టన్: పశ్చిమ వర్జీనియాలో సోమవారం జరిగిన గనుల పేలుడులో ఏడుగురు మరణించారు. మరో 20 మంది జాడ తెలియడం లేదు. ఇటీవలి కాలంలో అమెరికా గనుల పేలుడులో ఇదే అత్యంత విధ్వంసకరమైంది. మస్సే ఎనర్జీ అనుబంధ సంస్థ పెర్ఫార్మన్స్ కోల్ కంపెనీకి చెందిన మౌంట్ కోల్ పట్టణంలోని అప్పర్ బిగ్ బ్రాంచ్ గనిలో ఈ పేలుడు సంభవించింది.

ఈ పేలుడులో ఏడుగురు మరణించారని, దాదాపు 20 మంది గాయపడ్డారని, 21 నుంచి 23 మంది దాకా భూగర్భంలోనే ఉండిపోయారని రాలీహ్ కౌంటీ ఎమర్జెన్సీ సర్వీసెస్ అధికార ప్రతినిధి చెప్పారు. వారు గనిలో చిక్కుకుపోయారని, లెక్క తేలడం లేదా అనేది చెప్పలేకపోతున్నామని, వారి జాడ మాత్రం తెలియడం లేదని అన్నారు.