9 నుంచి జగన్ ఓదార్పు యాత్ర

హైదరాబాద్: కాంగ్రెసు కడప పార్లమెంటు సభ్యుడు వైయస్ జగన్ ఓదార్పు యాత్ర ఈ నెల 9వ తేదీన ప్రారంభమవుతుంది. దివంగత నేత, తన తండ్రి వైయస్ రాజశేఖర రెడ్డి ఆకస్మిక మృతితో దిగ్భ్రాంతికి గురై మరణించినవారి కుటుంబాలను పరామర్శించడానికి ఆయన ఈ యాత్ర తలపెట్టారు. ఈ యాత్ర పశ్చిమ గోదావరి జిల్లా నుంచి ప్రారంభమవుతుంది.

పశ్చిమ గోదావరి జిల్లాలో జగన్ ఎక్కడెక్కడ పర్యటిస్తారనే కార్యక్రమం ఖరారైంది. జిల్లాలో ఆయన రెండున్నర రోజుల పాటు పర్యటిస్తారు. మొత్తం 37 గ్రామాలను సందర్సించి మరణించినవారి కుటుంబాల సభ్యులను పలకరిస్తారు. జగన్ ఓదార్పు యాత్ర వాయిదా పడుతూ వస్తోంది. ఎట్టకేలకు ఈ నెల 9వ తేదీ నుంచి ఆయన పర్యటన జరుగుతుంది.