శ్రీకృష్ణ కమిటీకి ప్రజారాజ్యం నివేదిక

న్యూఢిల్లీ: రాష్ట్ర పరిస్థితిపై ఏర్పడిన జస్టిస్ శ్రీకృష్ణ కమిటీకి ప్రజారాజ్యం పార్టీ గురువారం నివేదిక సమర్పించింది. పార్టీ నేత కోటగిరి విద్యాధర రావు కమిటీ సభ్యులకు నివేదికను సమర్పించారు. చిన్న రాష్ట్రాల ఏర్పాటుపై జాతీయ విధానం ప్రకటించాలని తాము శ్రీకృష్మ కమిటీని కోరినట్లు పార్టీ నాయకుడు సి. రామచంద్రయ్య ఈ సందర్భంగా మీడియా ప్రతినిధులతో చెప్పారు.

దేశంలో వెనకబడిన రాష్ట్రాలు లేవని, వెనకబడిన జిల్లాలు మాత్రమే ఉన్నాయని ఆయన అన్నారు. ప్రజారాజ్యం పార్టీ సమైక్యాంధ్రకు అనుకూలంగా నిర్ణయం తీసుకున్న విషయం తెలిసిందే. తెలంగాణ రాష్ట్ర ఏర్పాటును ఆ పార్టీ వ్యతిరేకిస్తోంది. అందుకు అనుగుణంగా ప్రజారాజ్యం పార్టీ నివేదికను రూపొందించి కమిటీకి సమర్పించింది.