హైదరాబాద్ అల్లర్ల మృతులు ముగ్గురు

హైదరాబాద్: హైదరాబాద్ అల్లర్ల మృతుల సంఖ్య మూడుకు చేరింది. అల్లర్లలో గాయపడి చికిత్స పొందుతున్న ఓ వ్యక్తి ఆస్పత్రిలో మరణించాడు. దీంతో హైదరాబాద్ అల్లర్లలో మరణించినవారి సంఖ్య మూడుకు చేరింది. దీంతో పాతబస్తీలో స్వల్ప ఉద్రిక్త వాతావరణం చోటు చేసుకుంది. నర్సింహ అనే 54 ఏళ్ల లాల్ దర్వాజా వాసి మార్చి 28వ తేదీన హుస్సేన్ ఆలం పోలీసు స్టేషన్ పరిధిలో కత్తిపోట్లకు గురయ్యాడు. అతను బుధవారం రాత్రి మరణించాడు.

నర్సింహ మరణించిన వార్త అందగానే శాలిబండ తదితర ప్రాంతాల్లో హై అలర్ట్ ప్రకటించారు. పాతబస్తీలోకి కర్ఫ్యూ పాసులున్నవారిని కూడా పోలీసులు అనుమతించలేదు. భారీ భద్రతా ఏర్పాట్లు చేశారు. నర్సింహ భౌతిక కాయంతో ఊరేగింపు తీయడానికి ప్రయత్నాలు జరుగుతున్నాయనే ప్రచారంతో పోలీసులు అప్రమత్తమయ్యారు.