తెలంగాణ రిక్రూట్ మెంట్ లో ఇతర రాష్ట్రాల వారు

వరంగల్: భారతసైన్యంలో తెలంగాణ జిల్లాలనుంచి నిర్వహించతలబెట్టిన ఆర్మీ రిక్రూట్‌మెంట్‌ ర్యాలీలో ఇతర రాష్ట్రాలు, ఇతర ప్రాంతాలవారు పాల్గొనడంతో తీవ్ర గందరగోళం తలెత్తింది. హర్యానా, కేరళ రాష్ట్రాలనుంచి కూడా ఉద్యోగార్థులు భోగస్‌ నివాస పత్రాలతో హాజరుకావడంతో స్థానిక అభ్యర్థుల నుంచి తీవ్ర నిరసన వ్యక్తమయింది.

పోలీసులపై హర్యానాకు చెందినవారుగా అనుమానిస్తున్నవారు దాడి చేశారు. ఈ దాడిలో సీఐతో పాటు మరో ఎనిమిది మంది పోలీసులు గాయపడ్డారు. అనంతరం దాడికి పాల్పడినవారిని పోలీసులు అదుపులోకి తీసుకున్నారు. ఇతర రాష్ట్రాలనుంచి ఉద్యోగాలు ఇస్తామని తీసుకువచ్చిన మాజీ సైనికాధికారి జస్పాల్‌ను పోలీసులు అరెస్టుచేసి విచారిస్తున్నారు.