పార్టీ పగ్గాలు బాలయ్యకివ్వండి: ప్రసన్న

నెల్లూరు: పార్టీ అధ్యక్ష పదవి నుంచి వైదొలగి ఆ స్థానాన్ని బాలకృష్ణకు అప్పగించాలని తెలుగుదేశం పార్టీ అసమ్మతి నేత నల్లపురెడ్డి ప్రసన్నకుమార్ రెడ్డి నారా చంద్రబాబు నాయుడును డిమాండ్ చేశారు. స్వర్గీయ ఎన్టీ రామారావును వెన్నుపోటు పొడిచినప్పుడు చంద్రబాబును ఏ కమిటీ కూడా విచారించలేదని ఆయన బుధవారం మీడియా ప్రతినిధుల సమావేశంలో వ్యాఖ్యానించారు. నన్నపనేని రాజకుమారిని ద్విస్వభ్య కమిటీ విచారించడంపై ఆయన ఆ విధంగా అన్నారు.

చంద్రబాబు అధ్యక్షుడిగా ఉన్నంత వరకు తెలుగుదేశం పార్టీకి భవిష్యత్తు లేదని ఆయన అన్నారు. వాస్తవాలు మాట్లాడినందుకే తనను పార్టీ నుంచి బహిష్కరించారని ఆయన అన్నారు. ఇప్పుడు నన్నపనేని రాజకుమారి విషయంలో ఏం చేస్తారో చూడాలని ఆయన అన్నారు.