చిరంజీవికి జై తెలంగాణ సెగ

హైదరాబాద్: ప్రజారాజ్యం పార్టీ కార్యవర్గ సమావేశానికి బుధవారం తెలంగాణ సెగ తాకింది. కార్యవర్గ సమావేశంలో పార్టీ అధ్యక్షుడు చిరంజీవి ప్రసంగిస్తుండగా హైదరాబాద్ లోని ఫిల్మ్ క్లబ్ వద్ద తెలంగాణ ప్రజా సమితి కార్యకర్తలు ధర్నాకు దిగారు. కార్యవర్గ సమావేశంలోకి చొచ్చుకుపోయేందుకు ప్రయత్నించారు. తెలంగాణకు ప్రజారాజ్యం మద్దతు తెలపాలంటూ నినాదాలు చేశారు. జై తెలంగాణ నినాదాలు చేశారు.

తెలంగాణ ప్రజా సమితి కార్యకర్తలకు, ప్రజారాజ్యం పార్టీ కార్యకర్తలకు మధ్య తోపులాట జరిగింది. సమావేశాన్ని అడ్డుకోవడం తమ ఉద్దేశం కాదని, తాము తెలంగాణకు వ్యతిరేకం కాదని ప్రజారాజ్యం పార్టీ శ్రీకృష్ణ కమిటీకి నివేదిక ఇవ్వాలని కోరడానికి తాము వచ్చామని ప్రజా సమితి నాయకులు చెప్పారు.