హైదరాబాద్ చేరుకున్న జస్టిస్ శ్రీకృష్ణ

హైదరాబాద్‌: రాష్ట్ర పరిస్థితిపై కేంద్రం నియమించిన జస్టిస్‌ శ్రీకృష్ణ కమిటీ నేడు హైదరాబాద్‌కు చేరుకుంది. గురువారం, శుక్రవారం వివిధ పార్టీల నాయకులతో జస్టిస్ శ్రీకృష్ణ కమిటీ సంప్రదింపులు జరుపుతుంది. ప్రజారాజ్యం, సీపీఎం, సీపీఐ పార్టీల వాదనలను విననుంది. గురువారం సిపిఐ, ప్రజారాజ్యం పార్టీలతో శ్రీకృష్ణ కమిటీ సభ్యులు సంప్రదింపులు జరుపుతారు. ఒక్కో పార్టీ గంటన్నర సమయం కేటాయించారు.

ఇప్పటికే కమిటీ సభ్యురాలు రవీందర్‌ కౌర్‌, అబు సలే షరీఫ్ మహబూబ్ నగర్, కర్నూలు జిల్లాల్లో పర్యటించి ప్రజాభిప్రాయ సేకరణ జరిపారు. రవీందర్ కౌర్ హైదరాబాదులోని ఉండిపోగా, అబూ సలే బుధవారం సాయంత్రం ఢిల్లీ వెళ్లారు. కమిటీ ఛైర్మన్‌ జస్టిస్‌ శ్రీకృష్ణ, సభ్యులు దుగ్గల్‌, అబుసలే షరీఫ్‌ గురువారం రాజధానికి వచ్చారు.శుక్రవారం మధ్యాహ్నం కమిటీ ముందు సీపీఎం తన వాదనలు వినిపించనుంది.