సుప్రీంకోర్టులో జయలలితకు చుక్కెదురు

న్యూఢిల్లీ: ఆదాయానికి మించిన ఆస్తుల కేసులో అన్నాడియంకె చీఫ్, తమిళనాడు మాజీ ముఖ్యమంత్రి జయలలితకు సుప్రీంకోర్టులో చుక్కెదురైంది. కర్నాటకలో జరుగుతున్న ఆదాయానికి మించి ఆస్తుల కేసు విచారణను నిలిపేయాలని కోరుతూ జయలలిత దాఖలు చేసుకున్న పిటిషన్ ను సుప్రీంకోర్టు మంగళవారం తోసిపుచ్చింది.

పద్నాలుగేళ్లుగా సుదీర్ఘంగా సాగుతున్న విచారణను నిలిపేయడానికి జస్టిస్ బి సుదర్శన్ రెడ్డి, ఎస్ ఎస్ నిజ్జార్ లతో కూడిన సుప్రీంకోర్టు బెంచ్ తిరస్కరించింది. మార్చి 10వ తేదీన కర్నాటక హైకోర్టు తీర్పును సవాల్ చేస్తూ జయలలిత సుప్రీంకోర్టుకు వెళ్లారు.