• search
  • Live TV
వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

పెళ్ళి వేదిక వద్ద మాటేసిన మావోయిస్టులు

By Santaram
|

Maoists
గూడెంకొత్తవీధి: ప్రజా ప్రతినిధులను మట్టుబెట్టడానికి ఇద్దరు మావోయిస్టులు గూడెంకొత్తవీధిలో ఆదివారం సుమారు ఐదు గంటల పాటు మాటు వేశారు. ఈ విషయం పోలీసులకు తెలియడంతో అప్రమత్తమయ్యారు. అంతటా గాలింపు చర్యలు చేపట్టారు. గూడెంలో ఆదివారం మూడు పెళ్లి విందులు జరిగాయి. వీటికి కొందరు నేతలు వస్తారని మావోయిస్టులు భావించినట్టు చెప్పుకుంటున్నారు. వారి కోసమే మాటు వేశారని, రాకపోవడంతో వెనుదిరిగారని తెలిసింది.

కన్నవరం పాకెట్‌ కు చెందిన సీందరి చినరంగారావు అలియాస్‌ శరత్‌, మోహనరావులు వచ్చినట్టుగా పోలీసులకు సమాచారం అందింది. మరో వైపు మావోయిస్టులు రెక్కికి వచ్చారన్న వార్తలు గుప్పుమన్నాయి. శుక్రవారం రాత్రి కొందరు మావోయిస్టులు పెదవలస సర్పంచ్‌ కోసం వెదికినట్టుగా తెలిసింది. ఆయన లేకపోవడంతో అక్కడ నుంచి వెనుదిరిగినట్టు సమాచారం. మొత్తానికి మావోయిస్టులు ఎవరినో మట్టుబెట్టడానికి యోచిస్తున్నారన్న అనుమానం వ్యక్తమవుతోంది. ఈ పరిణామం ఈ ప్రాంతంలో సంచలనం కలిగించింది.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X