తెలంగాణ బంద్: జెఎసి నేత కోదండరామ్ అరెస్టు

హైదరాబాద్: వరంగల్ జిల్లా మహబూబాబాద్ కాల్పులను నిరసిస్తూ తలపెట్టిన తెలంగాణ బంద్ సందర్భంగా పోలీసులు తెలంగాణ రాజకీయ, ప్రజాసంఘాల కన్వీనర్ కోదండరామ్ ను శనివారం అరెస్టు చేశారు. తెలంగాణవాదులతో కలిసి ఆయన హైదరాబాదులోని ఆర్టీసి క్రాస్ రోడ్డులో బైఠాయించారు. దీంతో వారితో పాటు కోదండరామ్ ను పోలీసులు అదుపులోకి తీసుకున్నారు.

తెలంగాణ బంద్ విజయవంతంగా జరుగుతోందని కోదండరామ్ మీడియా ప్రతినిధులతో అన్నారు. బంద్ ద్వారా తెలంగాణ ప్రజల ఆకాంక్షను ప్రభుత్వానికి తెలియజేయడమే తమ ఉద్దేశమని ఆయన అన్నారు. కాంగ్రెసు పార్లమెంట సభ్యుడు వైయస్ జగన్ తెలంగాణలో పర్యటిస్తే సంభవించే పరిణామాలకు ఆయనే బాధ్యత వహించాల్సి ఉంటుందని కోదండరామ్ అన్నారు.