• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

ఓదార్పు యాత్రపై వైయస్ జగన్ మల్లగుల్లాలు

By Pratap
|

YS Jagan
హైదరాబాద్: శ్రీకాకుళం జిల్లాలో ఈ నెల 8వ తేదీ నుంచి తలపెట్టిన ఓదార్పు యాత్రపై కాంగ్రెసు కడప పార్లమెంటు సభ్యుడు వైయస్ జగన్ మల్లగుల్లాలు పడుతున్నారు. తన అనుచరులతో ఆయన శనివారం తెరిపి లేకుండా మంతనాలు జరుపుతున్నారు. శాననసభ్యులు, పార్టీ నాయకులు ఆయనను కలిశారు. అధిష్టానం అనుమతితోనే ఓదార్పు యాత్ర చేపట్టాలనే అభిప్రాయం జగన్ ను కలిసిన శాననసభ్యులు వ్యక్తం చేస్తున్నారు. ఓదార్పు యాత్రకు అనుమతి ఇస్తుందనే విశ్వాసంతో వారున్నట్లు కనిపిస్తోంది.

శాసనసభ్యులు శ్రీనివాసులు, లబ్బి వెంకటరెడ్డి, ఏరాసు ప్రతాప రెడ్డి తదితరులు జగన్ ను శనివారం కలిసినవారిలో ఉన్నారు. అనంతపురం పార్లమెంటు సభ్యుడు అనంత వెంకట్రామిరెడ్డి కూడా జగన్ ను కలిశారు. మంత్రి, సమీప బంధువు బాలినేని శ్రీనివాస రెడ్డి జగన్ తో చర్చలు జరిపారు. అధిష్టానం అనుమతితోనే జగన్ ఓదార్పు యాత్ర చేపడతారని శ్రీనివాసులు మీడియా ప్రతినిధులతో అన్నారు.

కాగా, ఓదార్పు యాత్ర వైయస్ జగన్ వ్యక్తిగతమని కాంగ్రెసు శాసనసభ్యుడు ఆనం వివేకానంద రెడ్డి అన్నారు. పార్టీ అధిష్టానాన్ని జగన్ ఎప్పుడు కూడా ధిక్కరించలేదని ఆయన శనివారం మీడియా ప్రతినిధులతో అన్నారు. యాత్రపై తాను మాట్లాడేది ఏమీ లేదని ఆయన అన్నారు.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X