నిత్యానంద బెయిల్ పిటిషన్ పై విచారణ వాయిదా

బెంగళూరు: సినీ నటి రంజితతో లైంగిక కార్యకలాపాలు నిర్వహిస్తూ పట్టుబడిన స్వామి నిత్యానంద బెయిల్ పిటిషన్ పై విచారణను కర్నాటక హైకోర్టు మంగళవారం జూన్ పదో తేదీకి వాయిదా వేసింది. నిత్యానందపై రేప్ కేసుతో పాటు పలు క్రిమినల్ కేసులు నమోదయ్యాయి.

నిత్యానంద బెయిల్ పిటిషన్ పై విచారించిన జస్టిస్ సుభాష్ బి ఆది సెలవులో ఉన్నందున తాను నిత్యానంద బెయిల్ దరఖాస్తుపై విచారణ జరిపి ఆదేశాలు ఇవ్వాల్సి ఉంటుందని జస్టిస్ సి కుమారస్వామి చెప్పారు. నిత్యానందకు చెందిన నాలుగు ట్రస్టుల బ్యాంక్ ఖాతాలను స్తంభింపజేస్తూ దాఖలైన పిటిషన్ పై విచారణ కూడా పదో తేదీకి వాయిదా పడింది.