• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

సమాధానం చెప్పలేక దాడులు: రోశయ్యపై హరికృష్ణ

By Pratap
|

Harikrishna
హైదరాబాద్: సోనియా గాంధీపై చేసిన వ్యాఖ్యలను నిరసిస్తూ కాంగ్రెసు కార్యకర్తలు సోమవారం తమ పార్టీ శాసనసభ్యుడు గాలి ముద్దు కృష్ణమనాయుడు ఇంటి వద్ద ఆందోళనకు దిగడంపై తెలుగుదేశం రాజ్యసభ సభ్యుడు నందమూరి హరికృష్ణ తీవ్రంగా ప్రతిస్పందించారు. గాలి ముద్దు కృష్ణమనాయుడు ఇంటిపై కాంగ్రెసు కార్యకర్తలు దాడులు చేశారని ఆయన సోమవారం ఆరోపించారు. ప్రతిపక్షాలు చేసిన విమర్శలకు జవాబు చెప్పలేక దాడులు చేయిస్తున్నారని ఆయన ముఖ్యమంత్రి రోశయ్యపై మండిపడ్డారు.

ప్రజాప్రతినిధుల ఇళ్లపై అధికార పార్టీ కార్యకర్తలే దాడులు చేయడం అప్రజాస్వామికమని ఆయన అన్నారు. ఈ దాడికి రోశయ్య సమాధానం చెప్పాలని, దానికి రోశయ్యనే బాధ్యత వహించాలని ఆయన అన్నారు. ప్రతిపక్షాల నేతలపై దాడులు జరుగుతుంటే ఇది రాక్షస పాలన కాకుంటే మరేమవుతుందని ఆయన ప్రశ్నించారు. ప్రతిపక్షాలు ఆరోపణలు చేస్తే అవి నిజం కాదని నిరూపించుకోవాల్సిన బాధ్యత అధికార పార్టీకి ఉంటుందని, కానీ కాంగ్రెసు పార్టీవారు దాడులకు దిగుతున్నారని ఆయన అన్నారు. ప్రజా సమస్యలను ప్రస్తావించినప్పుడు, ప్రజల బాధలను చెప్పినప్పుడు ప్రతిపక్షాల నేతలపై దాడులు చేయడం కాంగ్రెసు సంప్రదాయమని ఆయన అన్నారు.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X