అంబటి రాంబాబుపై చర్య అంటే కాపులపై దాడే: మిరియాల

హైదరాబాద్‌: కాంగ్రెస్‌ పార్టీ రాష్ట్ర కార్యదర్శి అంబటి రాంబాబుపై ఆ పార్టీ చర్యలు తీసుకుంటే దానిని కాపులపై దాడిగా భావిస్తామని కాపునాడు రాష్ట్ర అధ్యక్షుడు మిరియాల వెంకట్రావు హెచ్చరించారు. సోమాజిగూడ ప్రెస్‌క్లబ్‌లో జరిగిన విలేకరుల సమావేశంలో ఆయన మాట్లాడారు.

కడప ఎంపి వై స్‌ జగన్మోహన రెడ్డి వ్యవహారం పార్టీ అంతర్గతమని, దాని గురించి తాము మాట్లాడబోమని అన్నారు. కాపునాడు నేతలు ఎవరూ ఏ పార్టీకి చెందినవారు కాదని ఆయన స్పష్టం చేశారు. రెండు వర్గాలు అధికారం చేజిక్కించుకోవడం కోసం చేసే ప్రయత్నాలలో తమని బలిపశువులను చేస్తున్నారని ఆయన ఆవేదన వ్యక్తం చేశారు. ఈ విషయం అందరికీ తెలుసని ఆయన అన్నారు.